«Napoli»ning hujum chizig‘i yetakchisi Viktor Osimxen jamoasining Chempionlar ligasi chorak finaligacha bo‘lgan yo‘li haqida fikr bildirdi.
1/8 final javob o‘yinida neapolliklar «Ayntraxt»ni yirik 3:0 hisobida mag‘lub etishdi.
«Biz muvaffaqiyatlarimizdan zavq olishni istaymiz. Bu ajoyib g‘alaba bo‘ldi. Biz «Napoli» tarixini qayta yozyapmiz.
Bu jamoada hozir chegara yo‘q. Orzularimizga ergashishda davom etamiz. Bosh murabbiyimizni diqqat bilan tinglaymiz va kelajakka nekbinlik bilan qaraymiz», - deya nigeriyalik hujumchining so‘zlarini keltiradi UYEFA matbuot xizmati.