Юрген Клопп «Реал Мадрид» Чемпионлар лигасининг 1/8 финалида «Ливерпул»ни ҳақли равишда мағлуб этганини айтди.

«Агар сиз олдинга боришни истасангиз, 2-5 [биринчи ўйиндаги] энг яхши натижа эмас. Жавоб баҳсида сиз ўзгача ўйин кўрсатишингиз керак, аммо буни уддасидан чиқа олмадик.

«Реал Мадрид» ўзининг энг яхши дақиқаларини ўтказди, Алиссон иккита ажойиб сейвни амалга оширди. Плей-офф ўйинлари шундай ўтади. Гап нима истаётганимиз ҳақида эмас, балки нима олишимиз ҳақида.

Бундай учрашувларда кўп вазиятлар яратиш керак. Агар биринчи бўлимда гол урганимизда, керакли тезликни олишимиз мумкин эди, аммо бу назарий жиҳатдан қийин эди.

«Реал Мадрид» тўртта бўлимнинг учтасида яхшироқ ўйнади, шунинг учун кейинги босқичга чиқишга ҳақли эди», — деди Клопп.