"ПСЖ" жамоа етакчиларидан бири Лионель Месси билан янги меҳнат шартномаси борасида келиша олмаяпти. Томонлар ўртасидаги амалдаги шартнома жорий мавсум охирида якунига етади.
Маrcа нашрининг ёзишича, томонлар Мессининг позицияси туфайли янги келишувдан йироқ. ЖЧ-2022даги ғалабадан кейин Лионелнинг маошига қўйиладиган талаблар ўзгарди. Форвард маошини оширишни истамоқда.
Яқин кунларда клуб ва Мессининг агенти ўртасида янги учрашув ўтказилиши режалаштирилган.
2022/2023 йилги мавсумда аргентиналик футболчи 31 ўйин ўтказиб, 18 гол ва 17 голга ассистентлик қилган.
