Жорий мавсумда ПСВ сафида ўйнаётган "ПСЖ"нинг собиқ футболчиси Хави Симонс фаолиятини Англия Премьер-лигасининг топ-клубида давом эттириши мумкин. Todofichajes хабарига кўра, 19 ёшли футболчини "Манчестер Юнайтед" ўз сафига қўшиб олмоқчи.
"Қизил иблислар" ёзги трансфер ойнасида футболчи сотиб олишга ҳаракат қилиши мумкин. Transfermarkt томонидан Симонс 18 миллион еврога баҳоланган. Хавининг Эйндховен клуби билан шартномаси 2027 йилнинг ўрталарига қадар тузилган.
2022/2023 йилги мавсумда ярим ҳимоячи Нидерландия чемпионатининг 25 та учрашувида қатнашиб, 12 та гол ва 6 та голли узатмани амалга оширди.
