"Манчестер Юнайтед"нинг ҳужумкор ярим ҳимоячиси Жедон Санчо Англия Премьер-лигасидан Испания Ла лигасига ўтиши мумкин, дея хабар беради Todofichajes.
22 ёшли футболчининг трансферига бир қанча клублар қизиқиш билдирмоқда. Футболчига даъвогарлар орасида "Реал Мадрид", "Барселона", "Атлетико Мадрид" ва "Бетис" клублари бор.
Жейдон потенциал харидорга 60 миллион еврога тушиши мумкин. Ярим ҳимоячининг "қизил иблислар" билан шартномаси 2026 йилнинг ўрталарига қадар тузилган.
Санчо жорий мавсумда Премер-лигада 14 та ўйинда майдонга тушиб, 4 та гол ва 1 та голли узатмани амалга оширди.