"Ювентус" Поль Погба билан хайрлашмоқчи эмас.
Бу ҳақда Турин клуби директори Франческо Кальво айтиб ўтди.
“У мавсумдан ва биринчи навбатда бу жароҳатдан норози. Буюк футболчилар ҳақида гап кетганда, ҳамма салбий кўринишда тасвирланади.
Мен ундан қутулишга қарор қилганимиз ҳақидаги хабарларни ўқидим - бўлиши мумкин эмас. Поль бизга болалигида келган ва у учун "Ювентус" - бу оила. Биз унинг ўзини қандай намоён қилаётганини кўриб турибмиз ва уни майдонда кутмоқдамиз. Биз унга жуда ишонамиз, акс ҳолда у билан 4 йиллик шартнома имзоламаган бўлардик”, - дейди Кальво.