"Манчестер Юнайтед" сардори Харри Магуайр Эрик тен Хаг жамоасидаги ўрни ҳақидаги саволга жавоб берди.
30 ёшли футболчи "қизил иблислар"нинг асосий таркибига камдан-кам тушади. Бугун Европа лигасининг “Бетис”га қарши ўйинида ҳимоячи илк дақиқаларданоқ майдонга тушди ва жамоасининг минимал ҳисобда ғалаба қозонишига ёрдам берди.
“Мен қила оладиган ягона нарса машғулотларда қаттиқ ишлаш. Бошида охирги чиқишимдан бери кўп вақт ўтмади. Албатта, мен тез-тез ўйнашни истардим, лекин барибир ўзимни майдонда ва ундан ташқарида жамоа учун муҳим эканлигимни ҳис қиляпман. Мен “Манчестер Юнайтед” манфаати учун бор кучимни ишга соляпман”, деди Магуайр BT Sport нашрига.