"Манчестер Юнайтед" бош мураббийи Эрик тен Хаг жамоа Европа лигасининг чорак финалига чиққанидан сўнг ўз фикрлари билан ўртоқлашди.

“Қизил иблислар” биринчи учрашувдаги йирик ғалабадан кейин (4:1) Испанияда “Бетис”ни минимал ҳисобда мағлуб этишди.

“Биз қийин синовларни бошдан кечиришни яхши кўрамиз ва “Бетис” нима қила олишини билардик. Биз бундай рақибни икки марта мағлуб этишга муваффақ бўлдик, шунинг учун ҳам яхши ўйнадик деб ўйлайман.

Бугун майдонга тушган футболчилар ўзларини ҳайратланарли даражада кўрсатишди. Бизнинг кучимиз 11 та асосий ўйинчи билан чекланиб қолмаслигининг яна бир исботи", - деди мураббий.