"Бетис" бош мураббийи Мануэль Пеллегрини Европа лигаси 1/8 финалида "Манчестер Юнайтед"дан учралган мағлубият ҳақида фикр билдирди.
"Иккала ўйин ҳам аламли бўлди, чунки "Олд Траффорд"да беш дақиқа ичида биз учун ҳамма нарса ўзгариб кетди. Бизда 2:1 ҳисобида олдинда бориш имконияти бор эди, бироқ бир неча дақиқадан сўнг биз 1:3 ҳисобида ютқазаётгандик ва якунда 1:4 ҳисобида мағлуб бўлдик", - дея Пеллегрини сўзларини келтиради УЕФА матбуот хизмати.
17 март куни Ньон шаҳрида Европа лигасининг 1/4, 1/2 ва финалига қуръа ташлаш маросими бўлиб ўтади.
