Италиянинг олтита клуби еврокубокларнинг чорак финалига йўл олди.
Бу барча мамлакатлар орасида энг яхши кўрсаткичдир. Италия шарафини Чемпионлар лигасида “Наполи”, “Милан” ва “Интер”, Европа лигасида “Ювентус” ва “Рома”, Конференциялар лигасида эса “Фиорентина” жамоалари ҳимоя қилади.
Шунингдек, ушбу босқичда тўртта инглиз жамоаси иштирокини таъминлади. 1/4 финалда Бельгия шарафини учта клуб, Германия, Испания, Нидерландия ва Португалия – иккитадан, Швейцария, Франция ва Польша – биттадан жамоа ҳимоя қилади.