«Реал Мадрид» ярим ҳимоячиси Жуд Беллингемни келажакдаги лойиҳа учун идеал футболчи сифатида кўрмоқда.
Шу боисдан «қироллик клуби» Дортмунднинг «Боруссия»сидан 19 ёшли инглиз футболчисини қўлга киритишга жуда интилмоқда. Бу ҳақда журналист Фабрицио Романо ижтимоий тармоқларда маълум қилди.
«Реал Мадрид» аллақачон янги футболчиларга жиддийроқ қарамоқда. «Қаймоқранглилар» раҳбарияти 2019 йилда Лука Йович ва Эден Азар билан бўлган хатоларга йўл қўймоқчи эмас.
Беллингемга Англия премьер-лигасининг бир қатор жамоалари ҳам қизиқиш билдирмоқда. Ярим ҳимоячининг трансфери 140-150 миллион еврога баҳоланмоқда.
