«Ливерпуль» ҳимоячиси Виржил ван Дейк жамоа энг юқори даражада бўлиши учун бир қатор янги ўйинчиларни олиб келиш кераклигини айтди.
Голландиялик футболчи, шунингдек, тарк этаётган футболчилар ўз вақтида сифатли ўринбосарлар билан тўлдирилиши кераклигини таъкидлади.
«Агар биз охирги беш йилдагидек даражада қолишни истасак, янги футболчилар билан шартнома имзолашимиз керак.
Очиғи, баъзи футболчилар кетмоқчи. Агар биз юқори савияда бўлишни истасак, унда бизга юқори сифатли ўринбосарлар керак», - дея ван Дейкнинг сўзларини келтиради The Athletic.
«Ливерпуль» жорий мавсумда Премьер-лигада 26 ўйиндан сўнг 42 очко билан олтинчи ўринда бормоқда.
