«Манчестер Сити» бош мураббийи Пеп Гвардиола «Кристал Пэлас» устози Патрик Виейранинг истеъфоси ҳақида фикр билдирди.
Эслатиб ўтамиз, франциялик мутахассис тайинланганидан бир ярим йил ўтиб ишдан бўшатилди.
«Мен Виейра учун жуда афсусдаман. Албатта, нима учун ишдан бўшатилганини ҳеч ким билмайди. Бироқ унинг натижа қилишига ишонардим», - деди Гвардиола матбуот анжуманида.
Виейра мураббийлик фаолиятида Гвардиола билан тўрт марта тўқнаш келган. «Кристал Пэлас» Патрик бошқарган баҳсларда «Манчестер Сити»га қарши битта ғалаба ва бир дуранг қайд этган. Қолган иккита учрашувда «бургутлар» мағлуб бўлди.
Эътиборлиси, айни дам «Кристал Пэлас» Премьер-лига турнир жадвалида ўн иккинчи ўринда бормоқда.
