"Манчестер Юнайтед" ярим ҳимоячиси Бруну Фернандеш жорий мавсумда Европа топ 5 чемпионатлари футболчилари ичида майдонда энг кўп ҳаракат қилган футболчи бўлиб турибди.
28 ёшли португалиялик жорий мавсумда барча турнирларда 43 та ўйин ўтказиб, 4320 дақиқани майдонда ўтказди. Фернандеш 8 гол ва 12 голга ассистентлик қилди.
Фернандешдан ташқари ўйнаган дақиқалар бўйича энг яхши бешликка "Тоттенхэм" ҳужумчиси Харри Кейн (3895), "Реал" вингери Винисиус Жуниор (3891), "Челси" ярим ҳимоячиси Энцо Фернандес (3791) ва "Ливерпуль" дарвозабони Алиссон (3770) киради.
Бруну "Манчестер Юнайтед"да 2020 йилнинг январидан бери тўп суради. Аввалроқ Португалия терма жамоаси ярим ҳимоячиси “Спортинг” шарафини ҳимоя қилган.