«Барселона» ярим ҳимоячиси Педри якшанба куни бўлиб ўтадиган «Реал»га қарши Испания чемпионатининг муҳим ўйинида тикланишга улгурмади.
20 ёшли футболчи нафақат бўлажак «эл-класико»ни, балки Испания терма жамоасининг март ойидаги йиғинини ҳам ўтказиб юборади. AS хабарига кўра, Педри «қизил фурия» лагерига бормайди.
20 ёшида Педри Испания терма жамоаси сафида аллақачон 18 та ўйин ўтказишга муваффақ бўлган. Уларда ярим ҳимоячи шеригига битта самарали узатма берди.
Испания терма жамоаси Евро-2024 саралашида Норвегия (25 март) ва Шотландия (28 март) терма жамоаларига қарши ўйнайди.