"Челси" ярим ҳимоячи НГоло Кантени қўллаб-қувватлашга тайёр. Жароҳатлар билан боғлиқ муаммоларга қарамай, Лондон клуби франциялик футболчига анча узоқ муддат - яна бир йилга узайтириш варианти билан икки мавсумга шартнома таклиф қилмоқда. Томонлар келишувга яқин, деб ёзмоқда The Sun.

Март ойининг охирида НГоло Канте ўзининг 32 ёшини нишонлайди. Франциялик футболчининг амалдаги шартномаси жорий мавсум охиригача мўлжалланган.

Канте "Челси"га 2016 йилнинг ёзида "Лестер"дан келиб қўшилган эди. Ўшандан бери франциялик ярим ҳимоячи “аристократлар” сафида 262 та ўйин ўтказиб, 13 та гол урган ва 15 та голли узатмани ҳамкорларига берган.