"Наполи" бош мураббийи Лучано Спалетти Чемпионлар лигаси қуръа натижаси ва "Милан"га қарши ўйин ҳақида гапирди.

“Мен Италия жамоалари билан тўқнаш келмасликни афзал кўраман. Аллақачон ҳар хил гаплар эшитдим. Фақат футболда лаёқатсизлар буни яхши қуръа дейишади, чунки "Милан" Чемпионлар лигасида ўзини уйидагидек ҳис қилмоқда - улар турнирда 7 марта ғалаба қозонишган ва "Реал"дан кейин иккинчи ўринда туришади. Айтишга ҳожат йўқ, уларнинг директори Паоло Мальдини бир ўзи беш марта кубокни қўлга киритган", - деди Спалетти Football Italia билан суҳбатда.

Чемпионлар лигаси 1/4 финалининг дастлабки ўйинлари 11 апрель куни, жавоб ўйинлари 18 апрель куни бўлиб ўтади.