"ПСЖ" ҳужумчиси Лионел Месси фаолиятини қаерда давом эттирмоқчи эканлиги маълум бўлди. Ёзда 35 ёшли аргентиналик футболчининг парижликлар билан шартномаси тугайди ва у бошқа жамоага текинга ўтиши мумкин.
Footmercato хабарига кўра, “Барселона” Мессининг фаолиятини давом эттириш учун устувор вариант ҳисобланади. “Олтин тўп”нинг етти карра ғолиби “кўк-анорранглилар” президенти Жоан Лапортанинг таклифини кўриб чиқишга тайёр.
Шу билан бирга, Лионель билан шартнома имзолаш учун "Барселона" маош фондини жиддий қисқартириши керак.
Месси каталонияликлар тарбияланувчиси ҳисобланади. У 2005 йилдан 2021 йилгача асосий жамоада ўйнаган.
