«Милан» бош мураббийи Стефано Пиоли Чемпионлар лигаси 1/4 финалига қуръа ташлаш натижалари ҳақида гапирди. Миланлик мураббийнинг айтишича, жамоа турнирда ғолиб чиқишни мақсад қилган.
«Биз чорак финалдамиз. Биз «Милан»миз ва олдинга давом этишни истаймиз. «Наполи» кучли, улар лигада биздан яхшироқ ўйин кўрсатмоқда, аммо Чемпионлар лигаси - бошқа турнир, «Милан» эса «Милан».
Спалетти билан ажойиб муносабатдаман, уни ажойиб мураббий деб биламан. А Серия ва Чемпионлар Лигаси ўртасида катта фарқ бор, аммо ҳозирча бор эътиборимизни чемпионликка қаратишимиз керак.
Чемпионлар лигаси - бу мақсадимиз. Нега биз буни юта олмаймиз экан?» — дея Пиолининг сўзларини келтиради Football Italia.
