"Челси" ярим ҳимоячиси НГоло Кантега "Ювентус" қизиқиш билдирмоқда.
31 ёшли футболчи ҳали июнь ойида тугайдиган шартномасини узайтиргани йўқ, туринликлар бундан унумли фойдаланмоқчи. Calciomercato хабарига кўра, "Ювентус" Массимилиано Аллегри жамоасида Кантега хос хусусиятларга эга ярим ҳимоячи етишмаяпти деб ҳисобламоқда. “Бьянконерилар” франциялик футболчини Италияга кўчиб ўтиш учун “Челси” билан шартномани узайтиришдан бош тортишга кўндиришга ҳаракат қилади.
НГоло Канте бу мавсумда бор йўғи иккита ўйинда майдонга тушди. Transfermarkt портали ярим ҳимоячининг нархини 20 миллион еврога баҳоламоқда.