"Атлетико Мадрид" Диего Симеоне бошчилигида қуруқ ўйинлар сонини 300 тага етказди.
"Матрасчилар" Ла Лига доирасида "Валенсия"га қарши ўйинда рақиб дарвозасига жавобсиз учта гол киритиб, ғалаба қозонди. Гол муаллифлари Антуан Гризманн, Янник Карраско ва Тома Лемар бўлишди. Журналист Педро Мартиннинг сўзларига кўра, "Атлетико" Симеоне қўл остида 615 учрашувда 300-марта ўз дарвозаси дахлсизлигини сақлаб қолди. Аргентиналик мутахассис жамоани 2011 йилнинг декабридан буён бошқариб келмоқда.
Бугунги ғалаба “Атлетико”га Испания чемпионати турнир жадвалида учинчи ўринни мустаҳкамлаб олиш имконини берди.
