“Андижон” – “Бунёдкор” (0:3) ўртасидаги ўйиндан кейинги матбуот анжунида меҳмонлар бош мураббийи Мурод Отажонов қатнашди.

"Йиғинлардан кейин энди-энди ўзимизга келяпмиз. Бир томондан қийин ўйин. Иккинчи тарафдан ҳисобни 3:0 эканини билишгач, кўрмаганлар осон ютибди, деб ўйлашлари мумкин.

Йўқ, учрашув қийин бўлди. “Андижон” жамоаси ҳам ҳар томонлама яхши тайёргарлик кўрган экан. Оғир ўйин бўлди. Йигитларимизга катта раҳмат. Улардан талаб қилганларимизни охиригача чидаб ўйнаб беришди.

Шунақа ўйинлар қанча кўп бўлса, футболчилар ҳам ўсади. Бугун ҳам ёшларга имконият бердик. Аста-секин келажак ўйинлари учун ҳам тайёргарлик кўриб борамиз", — деди Отажонов.

“Андижон” матбуот хизмати.