Мадриднинг "Реал" клуби марказий ҳужумчиси Карим Бензема машғулотларга ёндашувини ўзгартириб, собиқ жамоадоши Криштиану Роналду мисолига эътибор қаратди.
Relevo хабарига кўра, жорий мавсумда тез-тез жароҳат олгани учун 35 ёшли франциялик футболчи танадаги юкни камайтиришга қарор қилган. У энг муҳим бўлмаган ўйинларда дам олади ва фақат марказий баҳсларда ўйнайди. Бу усулдан Роналду "Реал"да Зинедин Зидан билан ҳамкорлик қилганида қўллаган.
Мадридликлар Бенземанинг позициясини қўллаб-қувватламоқда. Клуб Каримнинг энг муҳим жангларда оптимал ҳолатда бўлишини истайди.