"Лацио"нинг етакчи ярим ҳимоячиси Сергей Милинкович-Савич жорий мавсум охирида сотилиши мумкин. Calciomercato журналистларига маълум бўлишича, Италия клуби раҳбарияти сербиялик ярим ҳимоячини 40 миллион еврога сотишга тайёр.
Аввалроқ матбуотда Туриннинг "Ювентус" клуби Милинкович-Савич трансферига қизиқаётгани ҳақида хабарлар тарқалганди. “Кекса сеньора” франциялик Адриен Рабьога муқобил сифатида Сергей номзодини кўриб чиқмоқда.
28 ёшли ярим ҳимоячи жорий мавсум А Серияда 24 та ўйинда майдонга тушиб, 4 та гол урди ва 8 та голли узатмани амалга оширди.
