Январь ойида «Манчестер Юнайтед» ярим ҳимоячиси Кристиан Эриксен тўпиғидан жиддий жароҳат олганди.
Жамоа бош мураббийи Эрик тен Хаг даниялик футболчининг аҳволи ҳақидаги хабарлар билан ўртоқлашди.
«Ҳа, Эриксен апрелда қайтади. У ҳақиқатан ҳам реабилитация жараёнини яхши ўтказмоқда.
Биз келгуси ҳафталарда вазият қандай ривожланишини кўришимиз керак», деди Тен Хаг журналистларга.
2022/2023 йилги мавсумда Кристиан Эриксен 31 ўйин ўтказди. Ярим ҳимоячи шериклари сафида иккита гол ва 9та голли узатмани амалга оширган.
«Манчестер Юнайтед» АПЛ турнир жадвалида учинчи ўринни эгаллаб турибди.
