Испаниялик собиқ футболчи Давид Вилья «Реал» ҳужумчиси Винисиус Жуниорнинг ўйинлари ҳақида гапирди.
«Менга унинг содда услуби ёқади. Менимча, футбол қанотлардан ҳужумга ўтадиган шундай футболчиларни аста-секин йўқотмоқда.
Уларнинг сони аввалгидек кўп эмас. Винисиус ана шундай футболчилардан бири. Унинг ўйинини томоша қилиш ажойиб.
Ўйлайманки, Мбаппе ўтган ёзда «Реал»га келган тақдирда ҳам Винисиус барибир таркибдан тушиб қолмайди. У футболчи сифатида етуклашиб бормоқда, бу табиий ҳол», - деди Вилья.
