"ПСЖ" ҳужумчиси Лионель Месси клуб билан шартномасини узайтирмаяпти, чунки у мавсум якунланганидан кейин ўйинчилар ва ходимлардан қайси бири клубда қолишини билмоқчи, дейди Фабрицио Романо.
Манбага кўра, 35 ёшли аргентиналик футболчи шартномани узайтиришдан олдин парижликлар бош мураббийи Кристоф Галтьенинг келажаги қандай бўлишини ва қайси футболчилар клубни тарк этишини билишни истамоқда.
Мессининг "ПСЖ" билан амалдаги шартномаси мавсум охирида якунига етади.
Месси жорий мавсумда Лига 1да 22 та ўйинда майдонга тушиб, 13 та гол урди ва 13 та голли узатмани амалга оширди.
