"Рома" клуби бош мураббийи Зденек Земан Италия футбол федерацияси бошлиғи Жанкарло Абете номига танқидий фикрлар билдирди, шунингдек ўзига "Интер" қизиққанлиги ҳақида сўзлаб берди.
"Абете -менинг душманим эмас. У - футболнинг душмани.
Сўнгги пайтларда футболда яхши томонларга ўзгаришлар содир бўлди. Аммо буларнинг барчаси қилинаётган ишларнинг тўғрилигига кимнингдир ишонганидан эмас, балки сирларнинг очилиб қолиш хавфидан ҳадиксирагани оқибатиданми, деб қўрқаман.
Бизга кўпроқ яққол намуналар керак. Футбол оддий бўлиши керак. Бу дегани - ғалабалар майдон ташқарисида эмас, майдонда қўлга киритилиши керак.
Клубларнинг фонд биржаларига чиқиб кетиши менга ёқмаяпти. Футбол молия ва сиёсатдан ҳоли бўлиш керак.
"Интер"ни бошқаришим мумкинмиди? Бу мавзуда кўп гапирилди, аммо ўшанда ўйлаб кўриш керак эди: Менинг ишлашим учун қулайликлар бормиди? Гап мен сотиб олишни хоҳлаган футболчилар ҳақида эмас", - дея Земаннинг сўзларини келтиради Football Italia.