"Реал" ҳужумчиси Криштиану Роналду ўз режалари ва Португалия терма жамоасининг ЖЧ-2014 саралаш босқичидаги ўйини ҳақида фикр билдирди.
"Мен шартномаларим ҳақида қайғурмаётганимни яна бир бор таъкидлайман. Менинг диққат-эътиборим "Реал"даги жамоадошларим билан ҳар бир ўйинда ғалаба қозониш ва барча совринларни ютишга қаратилган.
Кеча биз кўпроқ уришимиз мумкин эди, аммо Озарбойжон - қийин рақиб. Икки ўйин, олти очко - миссия бажарилди. Натижа яхши - керакли очколарга эга бўлдик ва энди биз клубдаги ишларимизга қайтишимиз керак", - дея Роналдунинг Фейсбукдаги расмий аккаунтидан иқтибос келтиради Marca.
Манбанинг хабар беришича, Роналду биринчилардан бўлиб "Реал"нинг Вальдебебасдаги қароргоҳига етиб келган.