Ўзбекистонлик футболчилар — Виталий Денисов ("Днепр"), Баҳодир Насимов ("Нефтчи") ва Одил Аҳмедов ("Анжи") ушбу мавсумда Европа лигаси мусобақаларида иштирок этишади.

Еврокубокларни тўп билан таъминлаб келадиган Adidas фирмаси 2012/2013 мавсум учун янги тўпларни тақдим қилди. Ушбу тўп Евро-2012 тўпларидан андоза олинган деса ҳам бўлади. Шунингдек, унда ўтган йилги тўпнинг ранглари сақлаб қолинган.

Ушбу тўп ҳамюртимиз Виталий Денисовга ёқмаган кўринади. У ўз Твиттерида қуйидагиларни ёзди: "Европа лигасининг янги тўпини кўрдим. Мен ҳали бундан ёмонроқ тўпни кўрмаганман. Даҳшат! Adidas фирмаси ўзи ишлаб чиқараётган маҳсулот устида бош қотирса яхши бўларди. Тўп резина ўхшаб кетди. Ҳаво шари каби енгил!"