"ПСЖ" бош мураббийи Кристоф Галтьенинг мавқеи кечаги Франция чемпионатида "Ренн"дан ўз майдонида учралган мағлубиятдан сўнг (0:2) сезиларли даражада заифлашди.
GFFN хабарига кўра, парижликлар клуби раҳбарияти амалдаги мураббийга ўринбосар қидирмоқда, бироқ ҳозирча шошилмаяпти. Галтье катта эҳтимол билан 2022/2023 йилги мавсум охиригача ўз лавозимини сақлаб қолади, шундан сўнг якуний қарор қабул қилинади.
Кристоф ўтган ёзда жамоани қабул қилиб олганди. Унинг клуб билан амалдаги шартномаси 2024 йилда якунига етади.
Кечаги омадсизликка қарамай, "ПСЖ" Лига1 турнир жадвалида пешқадамлик қилишда давом этмоқда. Пойтахт клуби энг яқин таъқибчидан етти очкога олдинда.
