"Барселона" клуби бош мураббийи Хави билан шартномани узайтиришни кўриб чиқмоқда, деб хабар беради Маrcа.

Манбанинг хабарига кўра, Каталония клуби Хавига шартномани камида яна бир йилга узайтиришни таклиф қилмоқчи. Клуб раҳбарияти июн ойида мутахассис билан бу масалани муҳокама қилади.

Бироқ, Хави билан шартномани узайтиришдаги қийин масала - мураббийнинг маоши. Ҳозир Хавининг маоши жуда кам. Молиявий фейр-плей туфайли Каталония клуби унга кўпроқ тўлай олмади. Бу муаммолар ҳалигача ҳал этилмаган.

Хави "Барселона"ни 2021 йилдан буён бошқариб келмоқда. Мутахассис ва клуб ўртасидаги шартнома 2024 йилгача мўлжалланган.

Испания чемпионатининг 26-туридан сўнг “Барселона” 68 очко билан турнир жадвалида пешқадамлик қилмоқда.