"Манчестер Юнайтед"нинг собиқ футболчиси Уэйн Рунининг тўнғич ўғли Кай 13 ёшгача бўлган Шимолий Англия кубоги финалида ғалаба голини киритди.
Ёш иқтидор соҳиби асосий рақиб "Манчестер Сити"га қарши баҳсда ўзини кўрсатди. Учрашув "Манчестер Юнайтед"нинг 2:0 ҳисобидаги ғалабаси билан якунланди. Энди мамлакат кубоги финалида ёш "қизил иблислар" "Арсенал"га қарши майдонга тушади.
Ўтган йили Кай 56 гол ва 28 голли узатма билан "Юнайтед"нинг 12 ёшгача бўлганлар жамоаси рекордини янгилаган эди.