«ПСЖ» клуби Кристоф Галтье билан хайрлашишни режалаштирмоқда ва янги мураббий изламоқда. Бу ҳақда журналист Педро Алмейда ижтимоий тармоқлар орқали маълум қилди.
Инсайдерга малум бўлишича, «Рома»нинг амалдаги бош мураббийи Жозе Моуриньо «ПСЖ» учун устувор вариант сифатида қаралмоқда. Приж клубида футбол маслаҳатчиси бўлиб ишлаётган Луиш Кампушнинг шахсан ўзи Жозенинг хизматига қизиқмоқда.
Моуриньонинг «Рома» билан амалдаги шартномаси келаси йилнинг ўрталарига қадар тузилган. Олдинроқ, португалиялик агар «бўрилар»ни Чемпионлар лигасига олиб чиқмаса, муддатидан аввал клубни тарк этиши хабар қилинганди.
