«PSJ» klubi Kristof Galtye bilan xayrlashishni rejalashtirmoqda va yangi murabbiy izlamoqda. Bu haqda jurnalist Pedro Almeyda ijtimoiy tarmoqlar orqali ma’lum qildi.
Insayderga malum bo‘lishicha, «Roma»ning amaldagi bosh murabbiyi Joze Mourinyo «PSJ» uchun ustuvor variant sifatida qaralmoqda. Prij klubida futbol maslahatchisi bo‘lib ishlayotgan Luish Kampushning shaxsan o‘zi Jozening xizmatiga qiziqmoqda.
Mourinyoning «Roma» bilan amaldagi shartnomasi kelasi yilning o‘rtalariga qadar tuzilgan. Oldinroq, portugaliyalik agar «bo‘rilar»ni Chempionlar ligasiga olib chiqmasa, muddatidan avval klubni tark etishi xabar qilingandi.
