2012 йилнинг 5 сентябр куни Ғузорнинг “Шўртан” клуби матбуот бўлими бошлиғи Одилбек Толипов эгаллаб турган лавозимини тарк этди.

2009 йилнинг сентябр ойида ишга қабул қилинган О. Толипов Ғузорнинг “Шўртан” клуби сафида роппа-роса 3 йил-у 3 кун ишлади. 2012 йилнинг 4 сентябр куни Фарғонанинг “Нефтчи” жамоасига қарши учрашувдан сўнг Одилбек Толипов ўз аризасига биноан эгаллаб турган ишидан кетди.

“Уч йил мобайнида “Шўртан”да ажойиб дамларимни ўтказдим. Клуб мен учун ҳаётимнинг бир бўлагига айланиб қолган. Клубдаги шароит, коллектив, ҳамма-ҳаммаси аъло даражада эди. “Шўртан” фаолиятимда катта бурилиш ясаган клуб ҳисобланади. Чунки, бу ерда етарлича тажриба ортирдим. Клуб юрагимнинг энг тубида қолади” – дейди клуб собиқ матбуот бўлими бошлиғи.

Эслатиб ўтамиз, Одилбек Толипов 2009 йилнинг сентябр ойида “Андижон” жамоасидан “Шўртан” клубига оператор лавозимига ишга қабул қилинганди. Сўнгра, 2010 йили матбуот котиби, 2011 йилдан эса матбуот бўлими бошлиғи лавозимига ўтган эди.