Австриянинг "Альтах" клуби ўз расмий сайти орқали Мирослав Клозе бош мураббийликдан озод этилганини эълон қилди.
Бу унинг бош мураббийликда мустақил ишлаган илк тажрибаси эди. 44 ёшли Клозе ўтган ёздан бери "Альтах"ни бошқариб келаётганди. Унинг қўл остида жамоа 4 марта ғалаба қозонган, 5 марта дуранг ўйнаган ва 13 марта мағлуб бўлган.
22 турдан кейин “Альтах” Австрия чемпионати турнир жадвалида сўнгги ўринни эгаллаб турибди.
Клозе Германия терма жамоасидаги ажойиб ўйинлари билан танилган. У 16 гол билан жаҳон чемпионатининг энг яхши тўпурари ҳисобланади.
