Avstriyaning "Altax" klubi o‘z rasmiy sayti orqali Miroslav Kloze bosh murabbiylikdan ozod etilganini e’lon qildi.
Bu uning bosh murabbiylikda mustaqil ishlagan ilk tajribasi edi. 44 yoshli Kloze o‘tgan yozdan beri "Altax"ni boshqarib kelayotgandi. Uning qo‘l ostida jamoa 4 marta g‘alaba qozongan, 5 marta durang o‘ynagan va 13 marta mag‘lub bo‘lgan.
22 turdan keyin “Altax” Avstriya chempionati turnir jadvalida so‘nggi o‘rinni egallab turibdi.
Kloze Germaniya terma jamoasidagi ajoyib o‘yinlari bilan tanilgan. U 16 gol bilan jahon chempionatining eng yaxshi to‘purari hisoblanadi.
