"Тоттенхэм" раҳбари Дэниел Леви Антонио Конте ўрнига Франкфуртнинг "Айнтрахт" клуби бош мураббийи Оливер Глазнер вариантини кўриб чиқмоқда, деб хабар беради BILD.
Манбага кўра, Конте яқин орада инглиз клубини тарк этиши керак. “Шпорлар” австриялик мутахассис Глазнер вакиллари билан бош мураббийликка эҳтимолий тайинланиш борасида аллақачон боғланишган.
Глазнер ўтган мавсумда Франкфуртнинг “Айнтрахт”и билан Европа лигасида ғолиб чиққан ва “Тоттенхэм” раҳбариятини ҳайратга солган.
Антонио Конте шу ҳафта ўз лавозимини тарк этиши аввалроқ хабар қилинганди. У 2021 йилнинг ноябридан бери "Тоттенхэм"ни бошқариб келмоқда.
28-турдан сўнг лондонликлар 48 очко билан АПЛ турнир жадвалида 4-ўринда бормоқда.