"Реал Мадрид" ёзги трансфер ойнасида марказий ҳужумчи билан шартнома имзоламоқчи, чунки аста-секин Карим Бензема фаолиятида пасайиш кузатилмоқда. Миш-мишлар яна "қаймоқранглилар"ни "Тоттенхэм"дан Харри Кейн билан фаол боғлашни бошлади. Todofichajes хабарига кўра, Мадрид клуби аллақачон "шпорлар" билан эҳтимолий трансфер борасида алоқага чиққан. Битим суммаси 110 миллион еврога етиши мумкин.
Кейннинг "Тоттенхэм" билан амалдаги шартномаси 2023/2024 йилги мавсум охиригача амал қилади. Футболчи клубини ўзгартиришдан манфаатдор бўлиши мумкин, чунки у ҳали Лондонда бирорта соврин юта олмаган.
