"Парма" дарвозабони Жанлуижи Буффон 2019 йилнинг ёзида "ПСЖ"ни тарк этганини эслади.

45 ёшли дарвозабоннинг сўзларига кўра, парижликлар сафида ўйнашни фаолиятидаги энг яхши тажриба дейиш мумкин, шунинг учун Буффон француз клубини тарк этишни ҳаётидаги энг катта хато деб ҳисоблайди.

“Мен мега-жамоада ўйнадим: техник жиҳатдан биз ҳаммадан кучлироқ эдик. "ПСЖ"ни тарк этиш ҳаётимдаги энг катта хато бўлди. Мен 10 миллион евролик маошдан бош тортдим", - дея Буффоннинг сўзларини келтиради журналист Николо Скира.

Умуман олганда, италиялик дарвозабон "ПСЖ" сафида 25 та ўйин ўтказиб, 25 та гол ўтказиб юборган ва 9 марта ўз дарвозаси дахлсизлигини сақлаб қолган. Буффон 10 марта Италия чемпиони бўлган Туриннинг "Ювентус" жамоасидаги ўйинлари туфайли катта шуҳрат қозонган.