Олий Лиганинг 19-туридан ўрин олган «Олмалиқ» ва «Бунёдкор» жамоалари учрашувида кутилмаганда мезбонлар ғалаба қозонди.
Учрашувнинг 31-дақиқасида мезбонлар ҳисобда олдинга чиқиб олишди. Ён чизиқдан ўйинга киритилган тўпни эгаллаб олган Достон Абдураҳмонов ҳужумни жонлантирди ва жарима майдончаси ичида қулай вазиятда турган Зафар Полвоновга тўпни узатди. Зафарнинг бош билан йўллаган зарбасини Нестеров тўсиб қололмади.
48-дақиқада ҳисобдаги фарқ яна биттага ошди Яна ўша Зафар Полвонов жамоаси голига муаллифига айланди. Исроил Эргашевнинг чап қанотдан узатган пасини Полвонов боши билан Нестеровнинг олис бурчагига жойлаб қўйди - 2:0!
Бу голга меҳмонлар битта гол билан жавоб қайтара олишди. Ян Козакнинг ажойиб пасидан сўнг Саломов қулай вазиятга чиқди. Бироқ у тўпни ўзидан-да яхшироқ вазиятда турган Лутфулла Тўраевга етказиб берди. Лутфулланинг зарбаси дарвоза тўридан жой олди. Бу ўйиндаги сўнгги гол бўлиб қолди. Натижада олмалиқликлар кутилмаганда пешқадамни мағлубиятга учратди ва очколари сонини 25тага етказиб олди.
ОЛМАЛИҚ - БУНЁДКОР - 2:1 (1:0)
Голлар: Зафар Полвонов (31, 48) - Лутфулла Тўраев (52)
"Олмалиқ": Роман Абдулов, Евгений Гоголь, Дарко Станоевич, Азамат Исроилов (Зафар Тўраев 55), Фарруҳ Нурлибоев, Тимур Айзатулов, Олег Зотеев, Зохир Пиримов (Маъруф Муродов 84), Исроил Эргашев (Александр Востриков 89), Достон Абдураҳмонов, Зафар Полвонов
"Бунёдкор": Игнатий Нестеров, Хайрулла Каримов, Анвар Ғофуров, Жавлон Иброхимов, Шавкат Саломов, Лутфулла Тўраев, Камолиддин Мурзоев, Славолюб Жоржевич, Анваржон Солиев (Ян Козак 46), Виктор Карпенко (сардор) (Руслан Мельзиддинов), Саҳоб Жўраев (Жасур Ҳасанов 72)
Огоҳлантиришлар: Шавкат Саломов 60, Хайрулла Каримов 63, Евгений Гоголь 71, Жасур Ҳасанов 74
Бош ҳакам: Ильгиз Танташев
Қанот ҳакамлари: Хусниддин Шодмонов ва Бобир Қодиров (барчаси - Бухоро)
Захира ҳаками: Анатолий Рубаков (Тошкент)
Учрашув назоратчиси: Булат Галеев (Урганч).
