«Севилья» клуби бош мураббий Хорхе Сампаоли истеъфога чиққанини эълон қилди.
Аргентиналик мутахассис ўтган йилнинг октябрь ойида «Севилья»ни бошқарганди. Испания чемпионатининг жорий 26-туридан сўнг, Андалусия жамоаси 28 очко билан турнир жадвалида 14-ўринда бормоқда.
Аввалроқ Сампаоли «Марсель», «Сантос» ва «Атлетико Минейро» каби клубларда ишлаган. Шунингдек, 63 ёшли мураббий Аргентина ва Чили терма жамоаларини ҳам бошқарган.
Аввалроқ, Хосе Луис Мендилибар «Севилья»нинг янги бош мураббийи бўлиши мумкинлиги ҳақида хабарлар тарқалган эди.
У аввалроқ «Алавес», «Эйбар», «Леванте», «Осасуна» ва «Атлетик Бильбао» клубларида ишлаган.