Миланнинг «Интер» клуби мавсум охирида ҳуқуқлар «Лацио»га тегишли бўлган ҳимоячи Франческо Ачербини сотиб олмоқчи.
Италиялик футболчи бу мавсумда «нерадзуррилар» сафида ижара асосида тўп тепди.
La Gazzetta dello Sport хабарига кўра, «Интер» мавсум охирида Ачербини сотиб олишга қарор қилган. «Нерадзуррилар» мураббийлар штаби фахрийнинг ушбу мавсумдаги ўйинидан ҳайратда қолди.
Ачербининг ўзи ҳам аввалроқ Симоне Индзаги жамоасида доимий равишда қолишга тайёрлигини айтган эди.
Жорий мавсумда Франческо Италия чемпионатида 20 та ўйин ўтказиб, битта голли узатмани амалга оширди.
