Олий Лига 19-тур учрашувлари старт олди.

13 сентябрь куни Олий Лига-2012 19-тур учрашувлари старт олди. Шу куни «Олмалиқ» ўз майдонида «Бунёдкор»ни қабул қилди, «Қизилқум» эса «Нефтчи» меҳмони бўлди.

Турнинг илк кутилмаган натижаси Олмалиқда қайд этилди. Игорь Шквирин шогирдлари, ҳужумчи Зафар Полвоновнинг дубли эвазига «Бунёдкор»ни 2:1 ҳисобида мағлубиятга учратишди. Тошкент клубининг ягона голи ярим ҳимоячи Лутфулла Тўраев ҳисобига ёзилди.

Ушбу мағлубият «Бунёдкор» учун мавсумдаги иккинчиси ҳисобланади. Миржалол Қосимов шогирдлари бунгача 4-тур «Навбаҳор»га қарши сафар учрашувида имкониятни бой беришганди. Ўшанда ҳам рақиб 2:1 ҳисобида ғалаба қозонган, рақиб ҳужумчиси (Артурас Фоменко) дублга эришган эди.

Ушбу мағлубиятга қарамай, 19-тур учрашуларидан кейин мусобақа жадвалидаги пешқадамликни сақлаб қолади. Тур доирасидаги ўз учрашувларини 14 сентябрь куни ўтказадиган «Бунёдкор» таъқибчилари – «Пахтакор» ва «Насаф»да пешқадам билан орадаги фарқни бир очкогача қисқартириш имкони пайдо бўлди.

Мавсумнинг иккинчи ярмини нисбатан муваффақиятсиз ўтказаётган Зарафшоннинг «Қизилқум» жамоаси Фарғонада ўз дарвозасидан учта гол ўтказиб юборди. Равшан Ҳайдаров шогирдларининг ҳисоб қисқартирувчи ягона голи 75-дақиқада майдондан четлатилган Азамат Бобожонов ҳисобига ёзилди. Бунгача «Нефтчи» ҳужумчиси Анвар Бердиев дублни расмийлаштириб улгурганди.

Қайд этиш жоиз, «Қизилқум» дарвозасига урилган иккинчи гол Бердиев учун Олий Лига баҳслари доирасидаги 200-гол бўлди. Бунгача 200лик довонни фақатгина Зафар Холмуродов забт этишга муваффақ бўлган эди.

Олий Лига, 19-тур учрашувлари
13 сентябрь, пайшанба
«Нефтчи» (Фарғона) – «Қизилқум» (Зарафшон) 3:1 (2:0)
Голлар: Анвар Бердиев (40, 45), Ойбек Нурбоев (74) – Азамат Бобожонов (55).

«Олмалиқ» (Олмалиқ) – «Қизилқум» (Зарафшон) 2:1 (1:0)
Голлар: Зафар Полвонов (31, 48) – Лутфулла Тўраев (52).