Франция терма жамоаси бош мураббийи Дидье Дешам Килиан Мбаппенинг жамоа сардори этиб тайинланганини тасдиқлади.
"Килиан Мбаппе Франция терма жамоасининг янги сардори ҳисобланади. Антуан Гризманн - вице-сардор. Килиан ҳамма нарсага мос келади ва бу масъулиятни ўз зиммасига олишга тайёр. У майдонда ҳам, жамоада ҳам асосий элементдир", - дея Дешамнинг сўзларини келтиради Telefoot.
Аввалги жамоа сардори Уго Льорис эди. 36 ёшли дарвозабон Қатарда бўлиб ўтган ЖЧ-2022дан сўнг терма жамоадаги фаолиятини якунлади.