"ПСЖ" клуби испаниялик ҳимоячи Серхио Рамос маошини камайтиришга рози бўлса, у билан шартномани узайтириши мумкин, деб хабар беради Marca.
Манбага кўра, француз клуби раҳбарияти испанияликнинг ўйинидан мамнун, бироқ молиявий фейр-плей билан боғлиқ муаммолар юзага келмаслиги учун маошни камайтиришга мажбур. Ҳозир футболчи солиқлардан ташқари йилига 27 миллион евро олади.
36 ёшли Рамос жорий мавсумда "ПСЖ" сафида барча турнирларда 36 та ўйинда майдонга тушиб, 2 та гол урди ва битта голли узатмани амалга оширди. Унинг клуб билан шартномаси 2023 йилнинг ёзига қадар мўлжалланган.
