"PSJ" klubi ispaniyalik himoyachi Serxio Ramos maoshini kamaytirishga rozi bo‘lsa, u bilan shartnomani uzaytirishi mumkin, deb xabar beradi Marca.
Manbaga ko‘ra, fransuz klubi rahbariyati ispaniyalikning o‘yinidan mamnun, biroq moliyaviy feyr-pley bilan bog‘liq muammolar yuzaga kelmasligi uchun maoshni kamaytirishga majbur. Hozir futbolchi soliqlardan tashqari yiliga 27 million yevro oladi.
36 yoshli Ramos joriy mavsumda "PSJ" safida barcha turnirlarda 36 ta o‘yinda maydonga tushib, 2 ta gol urdi va bitta golli uzatmani amalga oshirdi. Uning klub bilan shartnomasi 2023 yilning yoziga qadar mo‘ljallangan.
