Мадриднинг “Реал” клуби ҳимоячиси Начо Фернандес шартнома муддатини узайтириш шартини эълон қилди. Эслатиб ўтамиз, ёзда испаниялик эркин агентга айланиши мумкин.
“Ҳозир мен бахтлиман. Ўзимиз ўртамизда қарор қабул қиламиз. Агар улар менга жамоага кераклигимни билдиришса, барчаси аввалгидек оддий бўлади", - дея Фернандеснинг сўзларидан иқтибос келтиради Madrid Zone.
Эслатиб ўтамиз, Начо аввалроқ "Реал Мадрид" раҳбариятидан жамоада муҳимроқ роль талаб қилган эди. Фернандес тез-тез майдонга чиқишни хоҳлайди, чунки у доимо захирада ўтиришдан чарчаган.
Жорий мавсумда Начо Испания чемпионатида 17 та ўйин ўтказиб, битта голли узатмани амалга оширди.
