"Челси" ҳужумчиси Пьер-Эмерик Обамеянг якшанба куни "Барселона" ва "Реал" ўртасидаги учрашувга ташриф буюрди. Габонлик форвард нафақат “Камп Ноу”да футбол томоша қилди, балки аввалроқ ўйнаган Каталония жамоасининг кийим алмаштириш хонасига ҳам кирди. Daily Mail хабарига кўра, "Челси" Обамеянгнинг ушбу сафаридан норози.
Пьер-Эмерик Обамеянг жорий мавсум охирида "Челси"ни тарк этиши кутилмоқда. 33 ёшли габонлик футболчи "Барселона"га қайтиши мумкин. Хави клуб раҳбарларидан Обамеянгни қайта сотиб олишни сўрагани ҳақида маълумотлар бор.
Transfermarkt портали экспертлари форвардни 7 миллион еврога баҳоламоқда.